Makita iti ngato ti ladawan ti maysa nga agamang. Numanpay saanen daytoy a kas kadagiti nagkauna nga klase ti agamang agpaay daytoy a pakakitaan iti nagkauna a pagipenpenan dagiti Ilokano iti apitda a binettek wenno pinungo a pagay. Kasta ti gandat daytoy a blog. Numanpay saanmin a kaya nga urnongen amin dagiti kadaanan a kababalin, kankanta, salsala, dallot, dayyeng ken aminen nga ipagtangsit ti puli ni Ilocano, ikarkarigatanmi nga ipalaon ida iti daytoy nga agamang dagiti nabatbati pay nga inkami masalaw. Tulongan dakami ngarud nga agurnos ken agsukisok tapno addanto met pakalaglagipan kadagiti nangayed a kababalin ken pakasaritaan ti pulitayo nga itan ket mangrugin nga agpukaw. Isagutko daytoy a blog kadagiti agad-adal, dagiti agsuksukisok ken kadagiti aminen a kaputotan ti Ilocano
No comments:
Post a Comment